دوایین زانیاریی سەبارەت بە مووچەی مانگی مانگەکانی 11 و 12

ئاڤا نیوز

 

تەنها ئەمڕۆ و سبەی ماوە بۆ یەکلاکردنەوەی چارەنووسی ناردنی تەواوکاری مووچەی مانگەکانی  11 و 12 لەلایەن بەغداوە، وەزارەتی دارایی هەرێمی کوردستانیش لەچاوەڕوانی خەرجکردنی پارەکەدایە بۆ ئەوەی لیستی مووچەی مانگی 11 ڕابگەیەنێت.

 

وێنە گەورەکە: تاوەکو ئێستا وەزارەتی دارایی تەنیا تریلیۆنێک و 392 ملیار دیناری خستووەتە سەر هەژماری بانکی هەرێمی کوردستان و مووچەی مانگی 10ـی پێ دابینکراوە. ئێستا یەک تریلیۆن و 602 ملیار دینار ماوە بۆ ئەوەی بەغدا بینێرێت بۆ دابینکردنی مووچەی مانگەکانی 11 و 12.

 

زانیاریی تایبەت: بەگوێرەی بەدواداچوونی ئاڤا وردبینی لە لیستی مووچەی مانگی 12 تەواو بووە، ماوەتەوە سەر ئەوەی بڕیار لە خەرجکردنی پارەکە لەلایەن وەزیری دارایی عێراقەوە بدرێت و دەست بە دابەشکردنی مووچەی مانگی 11 بکرێت.

 

ئەمەش بزانە: هەفتەی ڕابردوو شاندی تەکنیکی وەزارەتی دارایی هەرێمی کوردستان لە وەزارەتی دارایی فیدڕاڵی بوون و لیستی مووچەی مانگی 12 و ڕاپۆرتی 11 مانگی خەرجی و میزان موراجەعەی خستە بەردەستی تەیف سامی، بۆ ئەوەی بڕیار لە ناردنی تەواوکاری مووچەی فەرمانبەرانی هەرێم بدات.