پێشبینیکارە بەناوبانگە لوبنانییەکە هۆشداری لە دۆخی عێراق دەدات

ئاڤا نیوز

 

پێشبینیکارە بەناوبانگە لوبنانییەکە هۆشداری لە دۆخی عێراق لە ساڵی 2025 دەدات و ئاگاداری چەند سەرکردەیەکیش دەکاتەوە لەوەی ئاگاداری خۆیان بن.

 

چیرۆکی سەرەکی: لەیلا عەبدوللـەتیف، پێشبینیكاری به‌ناوبانگی لوبنانی - میسری، بەوە ناسراوە کە ساڵانە پێشبینییەکانی بۆ ڕووداوەکانی ساڵ دەخاتەڕوو، تاوەکو ئێستاش بەشێکی زۆر لە پێشبینییەکانی هاتوونەتە دی، سەبارەت بە عێراقیش ئەمساڵ ئەو پێشبینیکارە هۆشداری لەبارەی دۆخی عێراق دەدات.

 

لێدوانی فەرمی: لەیلا عەبدوللـەتیف بۆ ساڵی 2025 لەبارەی عێراق ڕایگەیاند: بەداخەوە مەترسی لەسەر نووری مالیکی، سەرۆکوەزیرانی پێشووی عێراق هەیە، بەهەمان شێوە موقتەدا سەدریش پێشتر هۆشداری لەو مەترسییانە لەسەر مالیکی دابوو.

 

پێشبینیکارە لوبنانییەکە ئەو پێشبینییانەی لەسەر دۆخی عێراق داوە:

- جارێکی دیکە ململانێکان لە عێراق هەڵدەگیرسێن و دۆخی ئەمنی دەشێوێت و ئەمریکا پشتیوانی لە سوپای نیزامی عێراقی دەکات.

- گۆڕانکاریی بەرچاو لەسەر زەوی و لە ناوەند و ڕووخساری نوێی عێراقدا ڕوودەدات.

- بەداخەوە عێراق شایەتحاڵی تیرۆرکردنی زۆربەی کەسایەتییە سەربازییە کاریگەرەکان دەبێت.

- سەرنجی میدیاکان ڕاستەوخۆ لەسەر سنووری عێراق و سووریا دەبێت بەهۆی چەند ڕووداوێکی گرنگ و خەمناکەوە.

- بای گۆڕانکاری لە عێراق هەڵیکردووە و دووکەڵی سپی لە ئاسمانی عێراقدا بەرزبووەتەوە.

- بەهۆی پێشهاتە دیارەکان و ڕووداوێکی گرنگەوە چاوەکان لەسەر کاریگەری و هەژموونی ئێران لە عێراقدا نامێنێت.

- دۆسیەیەکی گەورەی گەندەڵی لە عێراق ئاشکرا دەبێت و پەنجەی تاوان بۆ تێوەگلانی بەشێک لە بەرپرسان درێژ دەکرێت کە دەستیان لەو دۆسیەیە هەیە.

- پارە تاڵانکراوەکانی عێراق دەگەڕێتەوە بۆ خەزێنەی دەوڵەت.

- چاوی میدیاکان جارێکی دیکە دەکەونەوە سەر مستەفا کازمی، سەرۆکوەزیرانی پێشووتری عێراق و پێی دەڵێم گرنگی بە ئاسایشی خۆی بدات.