ناڕەزایەتییەکان بەرامبەر بە وەزارەتی دارایی عێراق زیاتر دەبن

ئاڤا نیوز 

 

بەهۆی دواکەوتنی دابەشکردنی مووچەی مووچەخۆرانی عێراقەوە، ئەنجوومەنی نوێنەران دەستی بە جووڵەی سیاسی کردووە بۆ دروستکردنی فشار لەسەر وەزارەتی دارایی بە ئامانجی زوو دابەشکردنی مووچە. 

 

وێنە گەورەکە: وێڕای ئەوەی ئەمڕۆ کۆتا ڕۆژی ساڵە بەڵام تاوەکو ئێستا زۆرینەی فەرمانبەرانی وەزارەتەکانی عێراق مووچەی مانگی 12ـەیان وەرنەگرتووە، هاوکات باس لەوە دەکرێت گرفتەکە بۆ کەمی پارەی نەختینە دەگەڕێتەوە لە بانکەکان. 

 

لێدوانی فەرمی: جەواد یاسری ، پەرلەمانتاری عێراق ڕایگەیاند: چەندین پەرلەمانتار سەرقاڵی کۆکردنەوەی زانیارین سەبارەت بەدواکەوتنی وادەی دابەشکردنی مووچەی فەرمانبەران، چونکە تا ئێستا وەزارەتی دارایی هیچ ڕوونکردنەوەیەکی نەداوە و کەسیش نازانی پاساوی ئەم دوواکەوتنە چییە. 

 
له‌لایه‌كی دیكه‌وه: وەزارەتی دارایی عێراق، ئەو دەنگۆیانە ڕەتدەکاتەوە کە نەبوونی پارەی نەختینە هۆکاری دابەشنەکردنی مووچەی فەرمانبەران بێت و جەختیشی کردەوە لەوەی پابەندە بە پڕۆسەی دابەشکردنی مووچەوە.