ساڵی 2025 سەرەتایی دەرکەوتنی نەوەی بێتایە

ئاڤا نیوز

 

لە یەکەم ڕۆژی ساڵی تازەوە نوێترین نەوەی نوێی دانیشتووان دەردەکەوێت, بەناوی نەوەی بێتا  GEN BETA، ڕۆڵێکی کاریگەریان دەبێت لە گەشەدان بە زیرەکی دەستکرد و تەکنەلۆژیا. 

 

چیرۆکی سەرەکی: لە دایکبووی هەر ساڵێک ناوێکی جیاواز هەڵدەگرێت، بۆ نموونە لە دایکبووی ساڵانی 1994-1980 ئەمانە بە نەوەی جین وای ناسراون، لە دایکبووی ساڵانی 2009-1995 ئەمانە نەوەی جین زێت ناسراون، دواتر لە دایکبووی ساڵانی 2024-2010 بە نەوەی جین ئەلفا نەسراون.

 

بۆچی گرنگە: دەستنیشانکردنی هەر ناوێک بۆ هەر نەوەیەک ئاماژەدانە بە سەردەمێکی نوێ لە مێژووی مرۆڤایەتیدا.

 

ئەوەی ئێستا ڕوودەدات: لە دایکبووانی ساڵی 2025-2040 دەبن بە نەوەیەکی نوێ بە ناوی جین بێتا، ئەوەی لەبارەیانەوە دەگوترێت کە زیرەکن بەتایبەت لە ڕووی گەشەدان بە زیرەکی دەستکرد و تەکنەلۆژیای سەردەم.

 

لێدوانی فەرمی: مارک مەرکیندڵ، توێژەری کۆمەڵایەتی و ئایندەناس دەڵێت،  ئەم نەوە نوێیە تا ساڵی 2035 نزیکەی %16 دانیشتووانی جیهان پێکدەهێنن، هاوکات ڕۆڵێکی گرنگیان لە هێزی کاردا دەبێت بە نزیکەی 19%.