مالیکی: ڕەنگە ئێمە و سەدرییەکان بە یەک لیست بەشداری هەڵبژاردن بکەین

ئاڤا نیوز

 

نووری مالیکی: بەشداری ڕەوتی سەدر لە پرۆسەی سیاسی پێویستە و ڕەنگە ئێمە و سەدرییەکان بە یەک لیست بەشداری هەڵبژاردنی داهاتووى عێراق بکەین. 

 

چیرۆكی سەرەکی‌: بەهۆی رێگریی لایەنەكانی چوارچێوەی هەماهەنگی لە پێكهێنانی حكومەتی عێراق دوای هەڵبژادنەکانی 10-10-2021 کەبراوەی یەکەم بوو، موقتەدا سەدر لە 29-8-2022 کشانەوەی لە پرۆسەی سیاسی و داخستنی تەواوی دەزگاکانی ڕەوتەکەی ڕاگەیاند.

 

لێدوانی فەرمی: نووری مالیکی، سەرۆکی هاوپەیمانی دەوڵەتی یاسا لە چاوپێکەوتنێکی تەلەفزیۆنیدا ڕایگەیاند: تاوەکو ئێستا هیچ هاوپەیمانییەک بۆ هەڵبژاردنەکانی داهاتوو نییە، نە لەنێو شیعە و نە سوننە، بەڵام هەندێک نزیکبوونەوە هەیە لەکاتی خۆیدا دەردەکەوێت.

 

زانیاریی زیاتر: سەبارەت بە دۆخی سووریا، مالیکی ئاماژەی بەوەدا، ئەوەی لەو وڵاتە ڕوویدا جێگەی سەرسوڕمان نەبوو، بەڵکو پێشوەختە سەرەتاییەکانی لە  ساڵی 2011 ـەوە ڕوون بوو، کە ڕژێمی سووریا توانای بەرگری نییە چونکە هەندێک لایەن دەیانویست سووریا بکەن بە دەروازەی گۆڕانکاری لە ناوچەکەدا، لەسەرووی هەموشیانەوە تورکیا کە ئێستا ناڕاستەوخۆ ئیدارەی سووریا دەکات.