پەرلەمانتارێکی عێراق گەورەترین دۆسیەی گەندەڵی ئاشکرا دەکات

ئاڤا نیوز

 

بەدەر لە دۆسیەی گەندەڵی " دزی سەدە" و دەیان دۆسیەی دیکەی گەندەڵی، پەرلەمانتارێکی عێراق گەورەترین دۆسیەی گەندەڵی ئاشکرا دەکات.

 

وێنە گەورەکە: لەدوای ساڵی 2003ـەوە، گەندەڵی لە عێراق بووەتە دیاردە و سەرجەم دامەزراوەکانی دەوڵەتی گرتووەتەوە، ئێستاش گەیشتووەتە ئاستێكی مەترسیدار.

 

لێدوانی فەرمی: عامر جەبار، پەرلەمانتاری عێراق ڕایگەیاند: زیاتر لە 22 ملیار دۆلار لە دۆسیەی هێڵی ئاسنی بەهەدەر دراوە و چارەنووسی نادیارە و چەندین فەرمانبەری پلە باڵا لەوەزارەتی گواستنەوەش تێوەگلاون لەم گەندەڵیەدا.

 

زانیاریی زیاتر: ئەو پەرلەمانتارەی عێراق جەختی لەوە کردەوە، سەرۆکوەزیران محەممەد شیاع سوودانی و وەزیر گواستنەوە، ڕێگری لە لێکۆڵینەوە دەکەن لەو 22 بەرپرسە، هاوکات ئاماژەی بەوەشکرد  کە " یاسا تەنیا بەسەر فەرمانبەرە پلە نزمەکاندا جێبەجێ دەکرێت".