بۆ مانگی ڕەمەزان 11 ماددەی خۆراکی دابەش دەکرێن

ئاڤا نیوز

 

بۆ مانگی ڕەمەزان ژمارەی ماددەکانی بەشەخۆراکی مانگانە زیاد دەکرێن و  وەزارەتی بازرگانیی عێراق دەڵێت، ڕێگری لە بەرزبوونەوەی نرخی کەلوپەل لە بازاڕەکاندا دەکەن.

 

لێدوانی فەرمی: محەممەد حەنوون، گوتەبێژی وەزارەتی بازرگانیی عێراق ڕایگەیاند: ئامادەکاریمان کردووە بۆ ئەوەی پێش هاتنی مانگی ڕەمەزان، 11 ماددەی خۆراکی لە چوارچێوەی سەبەتەی خۆراکیدا بەسەر هاووڵاتییان دابەش بکرێن.

 

زانیاریی زیاتر: پێشتر سەبەتەی خۆراکیی مانگانە حەوت ماددەی لەخۆ گرتبوو، بەڵام بۆ مانگی ڕەمەزان بە مەعکەرۆنی، نیشاستە، شعرییە و ئاردی سفر ژمارەیان بۆ 11 ماددە زیاد دەکرێت و پێش مانگی ڕەمەزان دەگاتە دەستی هاووڵاتییان.

 

لەلایەکی دیکەوە: لەبارەی کۆنترۆڵکردنی نرخەکان لە مانگی ڕەمەزاندا گوتەبێژی وەزارەتی بازرگانیی عێراق دەڵێت، ئەمساڵ جیاواز لە ساڵی پێشوو چاودێریی تووند دەکەن بۆ دڵنیابوون لە سەقامگیری نرخی خۆراک لە بازاڕەکانی ناوخۆدا.