عێراق 441 ملیار دیناری دیکە بۆ هەرێمی کوردستان دەنێرێت

ئاڤا نیوز

 

دوای فشارەکانی حکومەتی هەرێمی کوردستان لە سەرۆکوەزیرانی عێراق، ئەمڕۆ وەزیری دارایی عێراق بەڵێنی داوە لەسەر ناردنی بڕە پارەیەک بۆ مووچەی مانگی 11ـی ئەمساڵ.

 
زانیاریی بەدەستهاتوو: بەگوێرەی زانیارییەکانی ئاڤا، تەیف سامی، وەزیری دارایی عێراق بەڵێنی داوە بڕی 441 ملیار دیناری دیکە بۆ مووچەی مانگی 11 بنێرێت. بەڵام  دیار نییە کەی ئەو بڕە پارەیە بۆ هەرێمی کوردستان ڕەوانە دەکرێت. 

 

ئەوەی پێویستە بیزانیت: حکومەتی هەرێمی کوردستان بۆ پڕکردنەوەی کورتهێنانەکەی مانگی 11 و مانگی 12 پێویستی بە یەک تریلیۆن و 596 ملیار دینارە.

زانیاریی زیاتر: بەغدا  بۆ مانگی یانزە 631 ملیاری ناردبوو، بەڵام بە 235 ملیار دینار کورتهێنانی مانگی 10ـی پێپڕکرایەوە، بۆیە 600 ملیار دینار کورتهێنان لە مووچەی مانگی 11 دروست بوو.

 

لەلایەکی دیکە: بەوپێەش ئەگەر ئەو 441 ملیارەش ئەگەر ڕەوانە بکرێت، هێشتا 159 ملیار دینار کورتهێنان بۆ مووچەی مانگی 11 دروست ئەبێت. بۆیە ئەگەر بەغدا پارەی دیکە نەنێرێت مووچەی مانگی 12ـی مووچەخۆران دەفەوتێت.