ساڵیادی کوژرانی سولەیمانی و موهەندیس لە چەند پارێزگایەکی عێراق دەکرێتە پشوو

ئاڤا نیوز

 

تاوەکو ئێستا لە حەوت پارێزگای عێراق بڕیاردراوە ساڵیادی کوژرانی هەریەک لە ئەبو مەهدی موهەندیس و قاسم سولەیمانی بکرێتە پشووی فەرمی.

 

پێدراوە ڕاستییەکان: هەریەک لە پارێزگاکانی نەجەف، کەربەلا، بەسرە، زیقار، واست، کەرکووک و دیالە ڕۆژی پێنجشەممە 2-1-2025، بەبۆنەی ساڵیادی کوژرانی قاسم سولەیمانی، فەرماندەی پێشووی فەیلەقی قودسی سوپای پاسدارانی ئێران و ئەبو مەهدی موهەندیس، جێگری پێشووی سەرۆکی دەستەی حەشدی شەعبی کردە پشوو. لە هەندێک پارێزگاش بڕیاریانداوە لە فەرمانگەکان و قوتابخانەکان بەو بۆنەیەوە ماتەمینی بگێڕن. 

 

ئەوەی پێویستە بیزانیت: درەنگانی شەوی 2-1-2020، بە بڕیاری دۆناڵد ترەمپ، سەرۆکی ئەوکاتی ئەمریکا لە ڕێگەی فڕۆکەی بێفڕۆکەوانەوە هەریەک لە قاسم سولەیمانی و ئەبو مەهدی موهەندیس لە نێو فڕۆکەخانەی نێودەوڵەتیی بەغدا کرانە ئامانج و هەردووکیان کوژران.