هادی عامری: لە سووریا ناترسین، بەڵام ترسمان لە تێکچوونی دۆخی وڵاتەكەیە

ئاڤا نیوز

 

هادی عامری، ئەمینداری گشتیی ڕێكخراوی بەدر ڕایدەگەیەنێت، لە سووریا ناترسن، بەڵكو ترس و نیگەرانییان لە تێكچوونی دۆخی وڵاتەکەیە.

 

وێنە گەورەكە: ڕۆژی 1-1-2025، باڵیۆزخانەی ئێران لە بەغدا یادی پێنجەمین ساڵەی كوژرانی قاسم سولەیمانی و ئەبومەهدی موهەندیسی كردەوە، ژمارەیەك بەرپرسی باڵای حكومی و هێزە ئەمنییەكانی حەشدی شەعبی لە ڕێوڕەسمەکەدا بەشداربوون و تێیدا هادی عامری، ئەمینداری گشتیی ڕێكخراوی بەدر، وتارێكی پێشكەشكرد.

 

لێدوانی فەرمی: عامری بەئاشكرا دەسەڵاتی ئێستای سووریای بە تیرۆرستانی دوێنێ ناوبرد و ڕایگەیاند، پێشتر قاسم سولەیمانی سووریای لە 'گروپە تیرۆرستییەكان' پاراستبوو.

 

هادی عامری دووپاتیشی كردەوە، "بەهیچ جۆرێك سازش لە دۆزی غەززە ناكەین و ڕێگەش نادەین خوێنی شەهیدانی هاوشێوەی حەسەن نەسروڵڵا و ئیسماعیل هەنیە بەفیڕۆ بچێت".