سوودانی و فایەق زەیدان وەک یەکەم بەرپرسی عێراقی لە 2025 دا سامانەکەیان ئاشکرا دەکەن

ئاڤا نیوز

 

دەستەی دەستپاکیی فیدراڵی ڕایگەیاند، سەرۆکوەزیران و سەرۆکی ئەنجوومەنی باڵای دادوەری، سەروەت و سامانیان ئاشکرا کردووە و ئاماژە بۆ ئەوە دەکات کە ئەمە یەکەم ئاشکراکردنە لە ساڵی 2025 دا.

 

وێنە گەورەکە: لەپێناو کەمکردنەوە و نەهێشتنی گەندەڵیدا، ساڵانە دەستەی دەستپاکی فۆڕمی ئاشکراکردنی سەروەت و سامان بە بەرپرسانی باڵا پڕدەکاتەوە.

 

ڕاگەیێنراوی فەرمی: دەستەی دەستپاکیی فیدراڵی لە ڕاگەیێنراوێکدا ئاشکرای دەکات فۆڕمی ئاشکراکردنی سامان و دارایی هەریەک محەممەد شیاع سوودانی، سەرۆکوەزیران و دادوەر فایەق زەیدان، سەرۆکی ئەنجوومەنی باڵای دادوەریان پێگەیشتووە، بەمەش دەبن بە یەکەم کەس کە زانیارییە داراییەکانیان بۆ ئەمساڵ ئاشکرا دەکەن.

 

ئەوەی پێویستە بیزانیت: لەسەر بنەمای بڕگەکانی ماددە 16/یەکەم لە یاسای دەستەی دەستپاکی و قازانجی نایاسایی ژمارە 30ـی ساڵی 2011، ئەو پلەو پۆستانە دیاریکراوە کراوە کە پێویستە فۆرمی ئاشکراکردنی سامان و داراییان پڕ بکەنەوە. تەنانەت ئەگەر پۆستەکە بە وەکالەتیش بەڕێوەببرێت.