ڕۆژنامەیەکی بەریتانی: بەشار ئەسەد ژەهرخوارد کراوە

ئاڤا نیوز

دوای کەوتنی دەسەڵاتەکەی و هەڵاتنی بەشار ئەسەد بەرەو ڕووسیا، ئێستا دەنگۆی ئەوە هەیە کە هەوڵی ئەوە درابێت ژەهراوی بکرێت. 

 

بڵاوکراوەی فەرمی: ڕۆژنامەی 'زە سەن'ی بەریتانی ئاشکرای کردوو: بەشار ئەسەد، سەرۆکی هەڵاتووی سووریا، هەوڵی ژەهراوییکردنی دراوە، بەهۆی ئەوەی لە ناکاو بارودۆخی تێکچووە و داوای یارمەتی پزیشكی کردووە، هاوکات لە شووقەکەی خۆی چارەسەری بۆ کراوە و ئێستا باری تەندروستی جێگیرە''. 

 

ئەوەی لەبارەیەوە دەگوترێت: ڕاپۆرتەکان باس لەوە دەکەن، ئەو پشکنینانەی کە بۆیکراوە دەرکەوتووە کە ژەهر لە جەستەیدا هەیە، بەڵام تاوەکو ئێستا هیچ سەرچاوەیەکی فەرمی ئەوەی پشتڕاست نەکردووەتەوە. 

 

لەلایەکی دیکەوە: ڕۆژنامەی دەیلی مەیلی بەریتانی بڵاویکردەوە، دۆخی تەندروستی ئەسما ئەسەد هاوسەری بەشار، بەهۆی تووشبوونی بە نەخۆشی شێرپەنجەی خوێنەوە بەرەو خراپتر دەڕوات، بەهۆی بەسەرچوونی ماوەی پاسپۆرتەکەشیەوە ناتوانێت بچێتە بەریتانیا، وەزارەتی ناوخۆیی بەریتانیاش جەختی کردۆتەوە، ئەسما بەڵگەی پێویستی نییە بۆ هاتنە ناوەوەی بەریتانیا، ناکرێت تەنیا بەهۆکاری تەندروستی ڕێگەی پێبدرێت.

 

باکگراوند: لە 8-12-2024 هێزەکانی تەحریرولشام توانیان دیمەشقی پایتەختی سووریا کۆنتڕۆڵ بکەن و کۆتایی بەدەسەڵاتی بەشار ئەسەد لە وڵاتەکە بهێنن، ئەسەدیش ڕووی لە مۆسکۆ کردووە.