قەتەر گەشتە ئاسمانییەكانی بۆ سووریا دەست پێ دەكاتەوە

ئاڤا نیوز

 

هێڵی ئاسمانیی قەتەر گەشتەكانی بۆ دیمەشقی پایتەختی سووریا دەست پێ دەكاتەوە.

 

وێنە گەورەكە: بە هۆی شەڕ و گۆڕانكارییەكانی ئەم دواییەی سووریا، زیاتر لە مانگێكە وڵاتانی جیهان گەشتەكانیان بۆ سووریا وەستاندووە، ئێستا لە سەردەمی حكومڕانیی نوێی سووریا، بەرە بەرە وڵاتان گەشتەكانیان بۆ ئەو وڵاتە دەست پێ دەكەنەوە.

 

ڕاگەیێنراوی فەرمی: هێڵی ئاسمانیی قەتەر 'Qatar Airways' ڕایگەیاند: ڕێوشوێنی پێویستیان گرتووەتەبەر بۆ ئەوەی لە ڕۆژی سێشەممەوە ڕێككەوتی 07-01-2025، گەشتەكانی بۆ سووریا دەست پێ بكاتەوە و هەفتانە سێ گەشت بۆ فڕۆکەخانەی نێودەوڵەتیی دیمەشق ئەنجام بدات.

 

هێڵی ئاسمانیی قەتەر ئاماژەی بەوەش کردووە، ئەو بڕیارە ڕەنگدانەوەی ئیرادەی بەهێزکردنی پەیوەندیی هەرێمایەتی و جێبەجێکردنی داخوازیی گەشتیارانە.