وەزیرانی دەرەوەی فەرەنسا و ئەڵمانیا سەردانی بەندیخانەی سیدنایا دەکەن

ئاڤا نیوز

لە میانەی سەردانەکەیاندا بۆ سووریا، ژان نۆیل بارۆت، وەزیری دەرەوەی فەرەنسا و ئانالینا بایربۆک، وەزیری دەرەوەی ئەڵمانیا، سەردانی بەندیخانەی سیدنایایان کرد.

ئەوەی پێویستە بیزانیت: سیدنایا یەکێک بوو لە بەندیخانە بەدناوەکانی ڕژێمی بەشار ئەسەد کە هەزاران کەسی تێدا ئەشکەنجە دراوە و کوژراوە. بەندیخانەکە بووەتە هێمایەک بۆ دڕندەیی ڕژێمی ئەسەد.

ئەمەش بزانە: سەردانی وەزیرانی دەرەوەی فەرەنسا و ئەڵمانیا و کۆبوونەوەیان لەگەڵ بەرپرسانی سووریای نوێ بەرزترین ئاستی دیپلۆماسیی وڵاتانی ڕۆژئاوایە بۆ سووریا لە دوای کەوتنی بەشار ئەسەدەوە.