لە زاخۆ کەسێک 15 هەزار دۆلار لە خزمێکی خۆی "دەدزێت" و دەستگیردەکرێت

ئاڤا نیوز

 

پۆلیسی زاخۆ کەسێکیان بە "تۆمەت"ـی دزیکردن دەستگیرکردووە کە 15 هەزار دۆلاری لە کەسێکی نزیکی خۆی بردووە؛ پێش "دزییەکە" هەردووکیان بەیەکەوە بوونە. 

 

ڕاگەیێنراوی فەرمی: "لە زاخۆ کەسێک زیاتر لە 15 هەزار دۆلاری لە خزمێکی نزیکی خۆی دزیوە و دوای لێکۆڵینەوە و بەدواداچوون، ئەو تۆمەتبارە دەستگیرکراوە و بەشی زۆری پارەکە بۆ خاوەنەکەی گەڕێنراوەتەوە". پۆلیسی زاخۆ ڕایگەیاندووە. 

 

ئەوەی پێویستە بیزانیت: پێش ئەنجامدانی ئەم کارە، تۆمەتبارەکە و خاوەنی پارەکە چەند کاتژمێرێک پێکەوەبوونە و دوای ماڵئاوایی "دزییەکەی" ئەنجامداوە. 

 

زانیاریی زیاتر: تۆمەتبارەکە لەبەردەم دادوەر دانی بە تاونەکەیدا ناوە و بەپێی ماددەی 443 لە یاسای سزادانی عێراقی، ڕووبەڕووی یاسا دەکرێتەوە.