بانكی خوێنی هەولێر ژمارەیەكی پێوانەیی تۆمار دەكات

ئاڤا نیوز

 

لە ساڵی 2024 بەڕێوەبەرایەتیی بانكی خوێن لە هەولێر ژمارەیەكی پێوانەیی تۆمار كردووە و 72 هەزار یەكەی خوێن لە بەڕێوەبەرایەتییەكە وەرگیراوە و ژمارەكە لەسەر ئاستی هەرێمی كوردستان یەكەمە.

 

لێدوانی فەرمی: هاوكار جەلال، بەرپرسی ڕاگەیاندنی بەڕێوەبەرایەتیی بانكی خوێن لە هەولێر بە ئاڤا میدیای ڕاگەیاند: ئامارەكانی بەڕێوەبەرایەتیمان دڵخۆشكەرن، چوار ژمارەی پێوانەیی تێدایە یەكەمیان ئەوەیە كە لە ماوەی ساڵی 2024، 72 هەزار یەكەی خوێن وەرگیراوە، ئەمەش ژمارەیەكی مێژووییە و لەسەر ئاستی هەرێمی كوردستان نموونەی نەبووە.

 

زانیاریی زیاتر: لە ساڵای ڕابردوو بانكی خوێنی هەولێر بانگەوازی بۆ وەرگرتنی خوێن دەكرد و داوای لە بەخشەران دەكرد بچن خوێن بدەن، بەڵام چوار ساڵە بەڕێوەبەرایەتییەكە هیچ بانگەوازێكی نەكردووە و بەڕێوەبەرانی بەڕێوەبەرایەتییەكەش هۆكارەكەی بۆ ئەوە دەگەڕێنەوە كە خاوەنی یەدەگێكی دەوڵەمەندە.

 

لەلایەكی دیكەوە: بەپێی ئاماری ساڵانەی بەڕێوەبەرایەتییەكە لە ساڵی 2024، %50ـی ئەو بڕە خوێنەی كە وەرگیراوە ئەو كەسانەن كە بە خواستی خۆیان خوێنیان بەخشیوە و %50ـەی دیكە ئەو كەسانە بوون كە لەبەرامبەر وەرگرتنی جۆرە خوێنێكی دیكە، خوێنیان بەخشیوە.