چیک باڵیۆزخانەی خۆی لە دیمەشق دەکاتەوە

ئاڤا نیوز

 

بە مەبەستی دووبارە دروستکردنەوەی پەیوەندی دیبلۆماسی لەگەڵ حکومەتی نوێی سووریا، کۆماری چیک باڵیۆزخانەی خۆی لە وڵاتەکە دەکاتەوە. 

 

وێنە گەورەکە: دوای کەوتنی دەسەڵاتی بەشار ئەسەد لە سووریا لە 8-12-2024، هێزەکانی تەحریرولشام دەسەڵاتی وڵاتەکەیان گرتەدەست، هاوکات هەوڵەکانی خستووەتە گەڕ بۆ نوێیکردنەوەی پەیوەندییەکانی لە ناوخۆ و دەرەوەی وڵاتەکە، گەڕی دیبلۆماسی وڵاتانیش دەستپێکردووە. 

 

ڕاگەیێنراوی فەرمی: یان لیپاڤسکی، وەزیری دەرەوەی کۆماری چیک ڕایگەیاند، ستافی تەکنیکی گەڕاونەتەوە و چالاکییەکانی باڵیۆزخانەکە دەستپێدەکەنەوە.

 

زانیاریی بەدەستهاتوو: باڵیۆزخانەی چیک لە دیمەشق لەلایەن ڤیتێزسلاڤ پیڤۆنکا، باڵیۆزی پێشووی ڕووسیا سەرپەرشتی دەکرێت، لەکاتی وەرگرتنی پۆستەکەشدا وتی، مێژوویەکی نوێ لە سووریا بۆ هەموو ناوچەکە دەنووسرێت.
 

باکگراوند: کۆماری چیک تاکە وڵاتی ئەوروپی بوو کە لە ماوەی 13 ساڵی ڕابردوودا باڵیۆزخانەی وڵاتەکەی کراوە بوو، وەک هێزی پاراستنی بەرژەوەندییەکانی ئەمریکا و وڵاتانی دیکە کاریکردووە، بەڵام دواجار لە دێسمبەری ساڵی ڕابردوو ‌سووریا ڕووبەڕووی کەوتنی دەسەڵاتی بەشار ئەسەد بووەوە لەلایەن هێزەکانی تەحریرولشام، بۆیە ناچار بوو باڵیۆزخانەکەیان لەو وڵاتە دابخەن.