هەسەدە: هێرشی گرووپە چەکدارەکان لە نزیک بەنداوی تشرین تێکشکێنراوە

ئاڤا نیوز

 

گرژییەکانی نێوان هەسەدە  و گرووپەکانی نزیک لە تورکیا تاوەکو ئێستا لە ڕۆژئاوای کوردستان بەردەوامە، ئەمەش لەکاتێکدایە کە حکومەتی ئێستای سووریا گفتوگۆکانی بۆ ڕێکخستنەوەی گرووپە چەکدارەکان دەستپێکردووە. 

 
وێنە گەورەکە: لەگەڵ کەوتنی دەسەڵاتی بەشار ئەسەد لە 8ی دیسمبەری ساڵی ڕابردوو، ڕووبەڕووبوونەوە لە نێوان هێزەکانی سووریای دیموکرات'هەسەدە' و گرووپەکانی نزیک لە تورکیا لە لە مەنبج و بەنداوی تشرین بەردەوامە.

 

ڕاگەیێنراوی فەرمی: هێزەکانی سووریای دیموکرات 'هەسەدە' ڕایگەیاند: هێزەکانیان تەواوی ئەو هێرشانەیان تێکشکاندووە کە لەلایەن گرووپەکانی نزیک لە تورکیا کراوەتەسەر ڕۆژهەڵات و باشوری مەنبج و بەنداوی تشرین و بە دەیان چەکداری ئەو گرووپانە  لە ڕووبەڕوونەوەکەدا کوژراون، "تورکیا لە ڕێگەی فڕۆکەی جەنگی و فڕۆکەی بێفڕۆکەوان پاڵپشتی هێرشەکانی کردووە".

 

باکگراوند: لە ماوەی دوو ڕۆژی ڕابردوو نزیکەی 100 چەکدار لە هێزەکانی سووریای دیموکرات 'هەسەدە' و گرووپەکانی نزیک لە تورکیا لە مەنبج و بەنداوی تشرین کوژراون.