دانووستاندنەکان بۆ ئازادکردنی بارمتە ئیسرائیلییەکان لە قەتەر دەستپێدەکاتەوە

ئاڤا نیوز

 

ئیسرائیل کاتز، وەزیری بەرگریی ئیسرائیل رایگەیاند، دانووستاندنە ناڕاستەوخۆکان لە قەتەر سەبارەت بە ئازادکردنی بارمتەکان دەستیپێکردووە.

وێنە گەورەکە: ماوەی چەند مانگێکە قەتەر، میسر و ئەمریکا ڕۆڵی نێوەندگیر لە نێوان ئیسرائیل و حەماس دەبینن. لە دوایین هەوڵیشدا شاندی ئیسرائیل ڕۆژی هەینی 3ـی 1ـی 2024 بەمەبەستی گەیشتن بە ڕێککەوتنێک بۆ ئاگربەست و ئازادکردنی  بارمتەکان سەردانی قەتەریان کرد.

 

ڕاگەیێنراوی فەرمی: لە ڕاگەیێنراوێکی نووسینگەی کاتز هاتووە: "بنیامین نەتەنیاهۆ، سەرۆکوەزیرانی ئیسرائیل ڕێنمایی وردی سەبارەت  بە بەردەوامی دانووستاندنەکان پێداوین، هەموو هەوڵێک دەدەین بۆ گەڕاندنەوەی بارمتەکانی ئیسرائیل". 
 
زانیاریی بەدەستهاتوو: ئەم خوولەی دانووستاندنەکان بۆ ئەوەیە کە هەردوولا بگەنە  ئەو ڕێککەوتنەی کە دەبێتە هۆی ئاگربەستێکی تەواو و کشانەوەی هێزەکانی ئیسرائیل لە کەرتی غەززە، ئازادکردنی بارمتە ئیسرائیلییەکان و وردەکارییەکانی جێبەجێکردنی پرۆسەکە، هاوکات گەڕانەوەی ئاوارەکان بۆ شوێنەکانی خۆیان.

 

باکگراوند: بارمتە ئیسرائیلییەکان لە دوای دەستپێکردنی شەڕی حەماس و ئیسرائیل لە 7ی ئۆکتۆبەری 2023، لەلایەن چەکدارانی حەماسەوە دەستبەسەرن.