چارەنووسی بەڕێوەبەری نەخۆشخانەی کەمال عەدوان و بەشێک لە کارمەندانی نادیارە

ئاڤا نیوز

 

لە دوای بۆردمانی نەخۆشخانەی کەمال عەدوان لەلایەن ئیسرائیلەوە، 350 کەس لە کارمەند و بەرپرسانی نەخۆشخانەکەش دەستگیر کران کە تاوەکو ئێستا چارەنووسی بەشێک لەوانە نادیارە. 

 

وێنە گەورەکە: لە 27ـی کانوونی یەکەمی ساڵی ڕابردوو سوپای ئیسرائیل هێرشی کردە سەر نەخۆشخانەی کەمال عەدوان کە دواین گەورەترین نەخۆشخانەی کەرتی غەززە بوو، نەخۆشخانەکە بە تەواوی وێران بوو و لە پێشکەشکردنی خزمەتگوزاری تەندروستیی وەستا، دوا بەدوای ئەوە سەرجەم کارمەندەکانی کە ژمارەیان 350 کەس بوو دەستگیر کران.

 

لێدوانی فەرمی: تیدرۆس ئەدهانۆم، بەڕێوەبەری گشتیی ڕێکخراوی تەندروستیی جیهانی لە بارەی چارەنووسی ئەو بەڕێوەبەرە ڕایگەیاند، "لە دوای دەستگیرکردنی حوسام ئەبو سەفیە، بەڕێوەبەری نەخۆشخانەی کەمال عەدوان لە 27ی کانوونی یەکەم، تا ئێستا هیچ زانیارییەک لەبارەی سەلامەتی و بارودۆخی تەندروستی ئەبو سەفیە بەدەست نەهاتووە.

 

باکگراوند: ئیسرائیل لە 7ی تشرینی یەکەمی 2023ەوە هێرشی بۆ سەر کەرتی غەززە دەستپێکردووە، بەهۆیەوە زیاتر لە 154 هەزار کەس کوژراون و برینداربوون کە زۆریان ئافرەت و منداڵن، زیاتر لە 11 هەزار کەسیش تاوەکو ئێستا بێسەروشوێنن.