وەزارەتی دارایی لەبارەی ناردنی گوژمەیەک پارە لە بەغداوە ڕوونکردنەوە دەدات

ئاڤا نیوز

 

وەزارەتی دارایی و ئابووری ڕوونکردنەوە لەبارەی گەیشتنی 441 ملیار دینارەکەی بەغدا دەدات و دەڵێت: تەواوی پارەکەی وەرگرتووە و بۆ مووچەی مانگی 11 خەرج دەکرێت.

 

وێنە گەورەکە: ئەمڕۆ یەکشەممە دەست بە دابەشکردنی مووچەی مانگی 11 کرا و لە سێ ڕۆژی داهاتوودا تەواو دەبێت. بەهۆی ئەوەی وەزارەتی دارایی عێراقیش لە مانگەکانی ڕابردوودا پارەی بە کەموکوڕی ناردووە، چارەنووسی مووچەی مانگی 12 دیارنییە.

 

لێدوانی فەرمی: سەرچاوەیەک لە وەزارەتی دارایی و ئابووری حکومەتی هەرێمی کوردستان بە ئاڤا نیوزی ڕاگەیاند: وەزارەتی دارایی عێراق لە 31-12-2024، بڕی 441 ملیار و 494 ملیۆن و 549 و 611 دیناری خستە سەر هەژمارەکەمان".

 

بەوتەی سەرچاوەکەی وەزارەتی دارایی و ئابووری، "ئەمڕۆ یەکشەممە لەگەڵ دەستپێکردنەوەی دەوامی فەرمی فەرمانگەکان، تەواوی پارەکەی بەغدایان لە بانک وەرگرتووە و بۆ مووچەی مانگی 11ی خەرج دەکرێت".