ڕۆژی چوارشەممە سەرۆکوەزیرانی عێراق دەچێتە تاران

ئاڤا نیوز 

 

بڕیارە سەرۆکوەزیرانی عێراق، ڕۆژی چوارشەممەی داهاتوو سەردانی ئێران بکات و لەگەڵ بەرپرسانی باڵای ئەو وڵاتە چەندین دۆسیە تاوتوێ بکەن.

 

وێنە گەورەکە: دوای ڕووداوەکانی ئەم دواییە و ڕووخانی دەسەڵاتەکەی بەشار ئەسەد لە سووریا سوودانی بەردەوام لەگەڵ وڵاتە دراوسێکان بەردەوام لە پەیوەندی دابووە بۆ ئەوەی ڕێگری لە بڵاوبوونەوەی تیرۆر و تەشەنەسەندنی شەڕ و ئاڵۆزی بۆ ناوچەکە. 

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند، ڕۆژی 08-01-2025 محەممەد شیاع سوودانی بە فەرمی سەردانی کۆماری ئیسلامیی ئێران دەکات.

 

لەپاڵ ئەوەشدا پرسی غازی تورکمانستان کە عێراق ڕێکەوتنی لەگەڵ ئەو وڵاتە و ئێران کردووە بۆ دابینکردنی غازی تورکمانستان لەڕێگەی ئێرانەوە هاوکات دۆخی سووریا تەوەرێکی دیکەی گفتوگۆکان دەبێت.

 

باکگراوند: دوایین سەردانی محەممەد شیاع سوودانی بۆ ئێران لە مانگی 5ی ساڵی ڕابردوو بوو لەمیانی بەشداریکردن لە ڕێورەسمی بەخاکسپاردنی ئیبراهیم ڕەئیسی سەرۆککۆماری کۆچکردووی ئێران.