وەزیری دەرەوەی ئوردن سەردانی تورکیا دەکات

ئاڤا نیوز 

 

وەزیری دەرەوەی ئوردن لەگەڵ هاوتا تورکەکەی و بەشیك لە بەرپرسانی تورکیا کۆدەبێتەوە تاوتوێی دۆخی سووریا و غەززە دەکەن. 

 

چیرۆکی سەرەکی: بڕیار وایە ئەیمەن سەفەدی، جێگری سەرۆکوەزیران و وەزیری دەرەوەی ئوردن سەردانی تورکیا بکات، لەگەڵ هەر یەک لە هاکان فیدان، وەزیری دەرەوەی تورکیا، یەشار گولەر، وەزیری بەرگری تورکیا ، ئیبراهیم کاڵن، سەرۆکی میت  کۆببێتەوە و باس لە پرسە هەنوکەییەکانی غەززە و سووریا بکرێت.

 

زانیاریی زیاتر: ئەجێندای کۆبوونەوەکە دۆخی سووریا و پاڵپشتییەکانی هەردوو وڵات دەبێت بۆ بوونیادنانەوەی سووریای نوێ، پرسی بەرەنگار بوونەوەی تیرۆر لە ڕۆژهەڵاتی ناوەڕاست لە بابەتە سەرەکییەکانی کۆبوونەوەکە دەبێت.

 

ئەمەش بزانە: سەفەدی دواین جار لە 15-10-2024 سەردانی تورکیای کرد.