سەدر داوای داماڵینی چەک لە دەستی گرووپەکان دەکات

ئاڤا نیوز

 

موقتەدا سەدر لە ساڵیادی دامەزراندنی سوپای عێراقدا ئومێدەوارە سوپا لە بەڵای گەندەڵیی و وابەستەیی دووربێت، هاوکات جارێکی دیکەش داوای داماڵینی چەک لە دەستی گرووپەکان دەکات.

 

وێنە گەورەکە: ئەمڕۆ 104 ساڵ بەسەر دامەزراندنی سوپای عێراق تێدەپەڕێت، عێراق لەکاتێکدا ئەمساڵ یادی دامەزراندنی سوپاکەی دەکاتەوە کە وەک باس دەکرێت چەکی بێ مۆڵەت بەشێوەیەکی بەربڵاو لەدەرەوەی کۆنتڕۆڵی دەوڵەت هەیە و جگە لە داواکارییەکانی ناوخۆ، وڵاتانی ڕۆژئاواش هۆشدارییان بە بەغدا داوە لەوبارەیەوە.

 

لێدوانی فەرمی: موقتەدا سەدر، ڕێبەری ڕەوتی نیشتمانی شیعیی 'ڕەوتی سەدری پێشوو' لە پەیامێکدا کە لە هەژماری تایبەتی خۆی لە تۆڕی ئێکس بڵاویکردووەتەوە، پیرۆزبایی ساڵیادی دامەزراندنی سوپای عێراق کردووە و ئومێدی خواستووە سوپا لە هەموو خراپیی و بەڵایەکی گەندەڵیی و وابەستەیی بەدووربێت، جەختیشیکردووەتەوە کە خۆشەویستنی نیشتمان بەشێکە لە باوەڕ و نیشتمان شایتەی قوربانیدان و خۆبەختکردنە لەپێناویدا.

 

سەدر سوپای بە دیواری پاراستنی نیشتمان و ناوبردووە و جارێکی داوایکردووە چەک تەنیا لە دەستی دەوڵەت و هێزە ئەمنییەکاندا بمێنێتەوە، نوسیویەتی، "نەخێر و هەزارجار نەخێر بۆ چەک و گرووپی بێ مۆڵەت کە لەدەرەوەی کۆنتڕۆڵی دەوڵەتن'.