یەکەم حاڵەتی تووشبوون بە ئاوڵەی مەیموون لە فەرەنسا تۆمار دەکرێت

ئاڤا نیوز

 

 وەزارەتی تەندروستی فەرەنسا یەکەم حاڵەتی تووشبوون بە ڤایرۆسی ئاوڵەی مەیموونی بە زنجیرەیەکی نوێ بە ناوی B1 لە وڵاتەکەی تۆمار دەکات.

 

ڕاگەیێنراوی فەرمی: ڕۆژی 7-1-2025، وەزارەتی تەندروستی فەرەنسا ڕایگەیاند: ''فەرەنسا یەکەم حاڵەتی تووشبوونی ئاوڵەی مەیموونی جۆری B1ی هاووڵاتی وڵاتەکەی لە ناوچەی بریتانی تۆمارکرد''.

 

ئەوەی لەو بارەیەوە دەگوترێت: ئەو کەسەی تووشی ڤایرۆسەکە بووە گەشتی بۆ ئەفریقای ناوەڕاست نەکردووە کە جۆرە جیاوازەکانی ئاوڵەی مەیموون تێیدا بەشێوەیەکی بەرچاو بڵاوببووەتەوە تەنیا  بەرکەوتنی لەگەڵ دوو کەس هەبووە کە لە ئەفریقا گەڕاونەتەوە.

 

ئەوەی پێویستە بیزانیت: ڤایرۆسی ئاوەڵەی مەیموون، نەخۆشییەکی ڤایرۆسی دەگمەنە  مەترسی لەسەر ژیانی ئەو  کەسانە دروست دەکات کە سیستەمی بەرگری لەشیان لاوازە، نیشانەکانی بریتیین لە  تا و سەر ئێشەی توند  و ئاوسانی گرێ لیمفاوییەکان و دواتر بڵاوبوونەوەی پەڵەی پێست،  شوێنەوارەکانی دەمێنێتەوە و 14 بۆ 21 ڕۆژ دەخایەنێت.

 

باکگراوند: لە 13ی ئابی ساڵی ڕابردوو، سەنتەری ئەفریقا بۆ خۆپاراستن و کۆنترۆڵکردنی نەخۆشییەکان (CDC) بەهۆی بڵاوبوونەوەی ئاوەڵەی مەیموون لە کیشوەرەکەدا باری نائاسایی ڕاگەیاند و داوای لە کۆمەڵگەی نێودەوڵەتی کرد بۆ ناردنی  دوو ملیۆن ڤاکسین وەک ڕێگایەکی خۆپاراستن و بڵاونەبوونەوەی زیاتری نەخۆشییەکە.