هاکان فیدان هۆشداری بە هەسەدە دەدات

ئاڤا نیوز 

 

وەزیری دەرەوەی تورکیا هۆشداری دا لەوەی تورکیا بەنیازە ئۆپێراسیۆنی سەربازی نوێ لە ڕۆژئاوای کوردستان دژ بە پەپەکە ئەنجام بدات.

 

وێنە گەورەکە: تورکیا نایەوێت چەکدارانی پەکەکە لە سووریا و بەتایبەت لە نزیک سنوورەکانی بمێننەوە و دەیەوێت وڵاتەکە بەجێبهێڵن، هاوکات ڕووبەڕووبوونەوەی هێزەکانی سووریای دیموکرات (هەسەدە) و هێزەکانی نزیک لە تورکیا لە مەنبیج و بەنداوی تشرین بەردەوامە.

 

لێدوانی فەرمی: هاکان فیدان وەزیری دەرەوەی تورکیا ڕایگەیاند:

- ماوەیەکیان بۆ هەسەدە دیاریکردووە بۆ ئەوەی چەکدارانی پەکەکە لە سووریادا نەمێنن و وڵاتەکە بەجێبهێڵن.
-  تورکیا بەنیازە ئۆپراسیۆنێکی سەربازی نوێ لە ڕۆژئاوا دژ بە چەکدارانی پەکەکە ئەنجام بدات.
- لە ڕێگەی ئەمریکییەکان و وڵاتانی ڕۆژئاوا هۆشدارییەکانیان بە هەسەدە داوە کە دەبێت چەکدارانی پەکەکە لە سووریادا نەمێنن و ئەوان چاوەڕێی هەنگاوەکانیان دەکەن.

 

باکگراوەند: ئەمریکا و وڵاتانی ئەوروپی چاودێری دۆخی سووریا دەکەن و ئەوەشیان نەشاردووەتەوە کە پشتیوانی کورد لە ڕۆژئاوای کوردستان دەکەن و دەیانەوێت جارێکی دیکە داعش لە سووریا نەتوانێت چەکدارەکانی ڕێکبخاتەوە.