ئێران لێدوانەکانی ماکرۆن ڕەتدەکاتەوە

ئاڤا نیوز

 

ئێران چەند لێدوانێکی ماکرۆن سەبارەت بە ڕۆڵی ئێران لە ناوچەکە و بەرنامە ئەتۆمییەکەی بە "بێ بنەما و ناڕاست" پێناسە دەکات.

وێنە گەورەکە: ڕۆژی 6-1-2025، ئیمانوێل ماکرۆن سەرۆکی فەڕەنسا لە وتاری ساڵانەی دیپلۆماسی خۆیدا لە کۆبوونەوەی لەگەڵ باڵیۆزەکانی فەڕەنسا ڕایگەیاند: ''ئێران تەحەدای سەرەکی ستراتیژی و ئەمنییە لە ڕۆژهەڵاتی ناوەڕاستدا''.

 

لێدوانی فەرمی: ئیسماعیل باقایی، وتەبێژی وەزارەتی دەرەوەی ئێران ڕایگەیاند: ''لێدوانەکانی  ماکرۆن بێ بنەما و دژبەیەکن، دەبێت فەرەنسا بە سیاسەتی خۆیدا بچێتەوە لەبارەی ئاشتی و سەقامگیریی لە ناوچەکە''.

 

زانیاریی زیاتر: ئەم لێدوانەی ماکرۆن سەبارەت بە ئێران لە کاتێکدایە، کە ئێران پەرەی بە بەرنامەی ئەتۆمی خۆی داوە، لەگەڵ سێ زلهێزی ئەوروپی خولێکی دیکەی دانوستاندن سەبارەت بە پرسی ئەتۆم دەکات و بڕیارە لە 13 ئەم مانگە لە جنێڤ کۆبوونەوەکان دەستپێبکەن.

 

باکگراوند: لە ساڵی 2015 ڕێککەوتنی ئەتۆمیی نێوان ئێران و وڵاتانی ڕۆژئاوا بەرنامە ئەتۆمییەکەی ئێرانی سنووردار کرد، ئەمەش بەرامبەر کەمکردنەوەی سزا ئابوورییەکان، بەڵام لە ساڵی 2018 ئەمریکا لەو ڕێککەوتنە کشایەوە و سیاسەتی 'زۆرترین فشار'ی بەسەر ئێراندا سەپاند.