کێشەی دەروازەی خابوور چارەسەرکراوە و هاتووچۆ ئاسایی دەبێتەوە

ئاڤا نیوز 

 

دەروازەی نێودەوڵەتیی ئیبراهیم خەلیل ڕایگەیاند، کە کێشەی دەروازەی خابوور چارەسەرکراوە و لە چەند کاتژمێری داهاتوودا هاتووچۆی گەشتیاران و هاونیشتمانیان ئاسایی دەبێتەوە.

 

وێنە گەورەکە: ڕۆژی دووشەممە، 6-1-2025، کێشەیەکی تەکنیکی لە سیستمی دەروازەی سنووریی خابوور لەنێوان هەرێمی کوردستان و باکووری کوردستان دروستبوو، ئەوەش کێشەی هاتووچۆی بۆ گەشتیاران دروستکرد. 

 

ڕاگەیێنراوی فەرمی: ئەمڕۆ چوارشەممە، 08-1-2025، دەروازەی نێودەوڵەتیی ئیبراهیم خەلیل ڕایگەیاند، کێشەی دەروازەکە تەکنیکی بووە کە لە دیوی تورکیاوە دروستبوو، واتە کێشەکە بۆ ئەو گەشتیارانە دروستبوو کە دەیانویست بگەڕێنەوە هەرێمی کوردستان.

 

زانیاریی زیاتر: دەروازەی نێودەوڵەتیی ئیبراهیم خەلیل ئاماژەی بەوە کردووە، کێشەکە چارەسەر کراوە و رێگەکە کراوەتەوە، لە چەند کاژێری داهاتوودا هاتووچۆ ئاسایی دەبێتەوە.