پارتەکەی ئەردۆغان  بۆ ئاڤا نیوز: ڕۆڵی هەرێمی کوردستان بەرز دەنرخێنین

ئاڤا نیوز 

 

غالیب ئەنساریئۆغلو، پەرلەمانتاری ئاکپارتی کە ڕەجەب تەیب ئەردۆغان سەرۆکایەتی دەکات بە ئاڤا میدیای ڕاگەیاند، پەیوەندیمان لەگەڵ هەرێمی کوردستان لە ئاستێکی زۆر باش دایە و سیاسەتی سەرۆکوەزیران مەسرور بارزانی و ڕۆڵی هەرێمی کوردستان لە دۆخە جیاوازەکاندا بەرز دەنرخێنین، ئەم پەیوەندیییە ئەرێنییە زۆرگرنگ و پێویستە بۆ ناوچەکە.

 

چیرۆکی سەرەکی: سەرۆکووزیران مەسرور بارزانی لە 7-1-2025 بەسەردانێکی فەرمی گەیشتە ئەنقەرە لەگەڵ هەریەک لە ڕەجەب تەیب ئەردۆغان، سەرۆککۆماری تورکیا و هاکان فیدان، وەزیری دەرەوەی تورکیا کۆبووەوە. ئەمە لە کاتێکدایە کە زەمینەسازی بۆ دەستپێکردنی پرۆسەی ئاشتەوایی کورد لە تورکیا دەکرێت.

لێداوانی فەرمی: ئەنساریئۆغلو سەبارەت بە ڕۆڵی سەرۆک مەسعود بارزانی گوتی:

-سەرۆک بارزانی  ڕۆڵێکی سیمبولی هەیە و ڕاو بۆچوونەکانی لەسەر دۆخەکە بۆ تورکیا بە هەند وەردەگیرێ، دەشزانین کاریگەری بەسەر کوردی ڕۆژئاواش هەیە، بۆیە ڕۆڵی بارزانی کاریگەری لەسەر پاراستنی پرسی ئاشتەوایی کورد و تورک دروست دەکات. 

 - سەردانەکەی سەرۆکوەزیرانی هەرێمی کوردستان لەم کاتەدا زۆر گرنگە، لەبەر ئەوەی پرسی ئاشتەوایی کورد و دۆخی سووریا هەیە، ئەمەش کاریگەری ئەرێنی لەسەر دۆخەکە دروست دەکات.

-لەم کاتە بەدواوە بوونی شەڕ لە ناوچەکەدا لە بەرژەوەندیی کورد نییە و بڕیاری ژیرانەیەو پاراستنی سەقامگیری و ئاشتەواییە.

-پەیوەندییەکی هاوبەش لە نێوان ئەنقەرە و هەولێر هەیە.

• 
  - ڕۆڵی هەرێمی کوردستان بەرز دەنرخێنن.
• 
  - ئیدارەی حکومەتی هەرێمی کوردستان لە هەموو دۆخێکدا بەرامبەر بە ئەنقەرە بە باشترین شێوە ڕۆڵیان گێڕاوە، ئێمە ئەمە بەرز دەنرخێن.

ئەوەش بزانە: هەولێر و ئەنقەرە پەیوەندییەکی ئابووری و سیاسییان هەیە، ئەمەش کاریگەری بەسەر پرسە هەنووکەییەکانی باکووری کوردستان و ڕۆژئاوای کوردستان دروست دەکات.