سوودانی کۆتایی بە سەردانەکەی بۆ ئێران هێنا و بۆ بەغدا گەڕایەوە

ئاڤا نیوز 

 

دوای کۆبوونەوەی لەگەڵ ڕێبەر و بەرپرسانی باڵای دیکەی کۆماری ئیسلامی ئێران، سەرۆکوەزیرانی عێراق کۆتایی بە سەردانە یەک ڕۆژییەکەی بۆ تاران هێنا و بۆ بەغدای پایتەخت گەڕایەوە.

 

وێنە گەورەکە: ڕۆژی چوارشەممە 08-01-2025 محەممەد شیاع سوودانی، سەرۆکوەزیرانی عێراق بە سەرۆکایەتیی شاندێکی باڵا گەیشتە تاران و لەگەڵ هەریەکە لە  ڕێبەری باڵا، سەرۆککۆمار، سەرۆکی پەرلەمانی ئێران کۆبووەوە.

 

ڕاگەیێنراوی فەرمی: نووسینگەی سەرۆکوەزیرانی عێراق بڵاوی کردەوە، دوای کۆتاییهاتنی سەردانە فەرمییەکەی بۆ کۆماری ئیسلامی ئێران، سەرۆکوەزیران بۆ بەغدای پایتەخت گەڕایەوە.

 

ئەوەی پێویستە بیزانیت: پەیوەندییەکانی نێوان بەغدا و تاران، دۆخی سووریا و دۆسیەی گرووپە چەکدارەکان دیارترین ئامانجی سەردانەکەی سوودانی بوون بۆ ئێران، لە میانەی پێشوازیکردنیشی لە سەرۆکوەزیران، ڕێبەری باڵای کۆماری ئیسلامیی ئێران داوای لە سوودانی کردووە ڕیزەکانی حەشدی شەعبی بەهێزتر بکات و پارێزگاریش لە مانەوەی ئەو دامەزراوە سەربازییەی عێراق بکات، کە ماوەیەکە فشاری نێودەوڵەتی بۆ هەڵوەشاندنەوە یان تێکەڵکردنی لەگەڵ سوپادا هەیە.