ئەحمەد شەرع سەردانی تورکیا دەکات

ئاڤا نیوز

 

ئەحمەد شەرع، فەرماندەی ئیدارەی نوێی سووریا بەمەبەستی دەربڕینی سوپاسگوزاری بۆ تورکیا سەردانی ئەو وڵاتە دەکات و چاوەڕوان دەکرێت لەلایەن ڕەجەب تەیب ئەردۆغان، سەرۆککۆماری تورکیاوە پێشوازی لێ بکرێت.

 

وێنە گەورەکە: سەردانەکەی شەرع لە چوارچێوەی گەڕێکی سەردانەکانی دەبێت بۆ وڵاتانی ناوچەکە، ئامانجی سەردانەکەی سوپاسکردنی تورکیایە لە پشتیووانیکردن لە ئیدارەی شەرع و هاوکات تاوتوێکردنی چەند پرسێکی تایبەت بە ناوچەکە. 

 

زانیاریی بەدەستهاتوو: بەپێی ئەو پلانەی ڕێکخرابوو بڕیاربوو لە چەند ڕۆژی داهاتوو شەرع سەردانی ئەنقەرە بکات بەڵام ئێستا پلانەکە گۆڕدراوە و بڕیارە لە نزیکترین کاتدا سەردانییەکە بکات. 

 

زانیاریی زیاتر: کۆبوونەوەکە چەند پرسێک لەخۆ دەگرێت لەوانە بوونی هێزی سوپای سووریای دیموکرات لەناوچەکە و تاوتوێی پێشهاتەکانی ناوچەکە و چۆنیەتی دووبارە بوونیاد نانەوەی ژێرخانی ئەو وڵاتە. 

 

باکگراوند: دوای کەوتنی دەسەڵاتی ئەسەد لە 8-12-2024، شاندێکی تورکیا وەک یەکەم شاند بە سەرۆکایەتیی هاکان فیدان، وەزیری دەرەوەی تورکیا و ئیبراهیم کاڵن، سەرۆکی دەزگای میت سەردانی دیمەشقیان کرد و لەگەڵ ئەحمەد شەرع کۆبوونەوە.