دوو کەس لەسەر هەڵهاتنی ئەحمەد شایع لە سنوورە ئاوییەکانی عێراق دەستگیرکران

ئاڤا نیوز

 

ڕۆژی 19ـی ئەم مانگە، لە زیندانی بنکەیەکی پۆلیسی بەسڕە، یەکێک لە مەترسیدارترین تاوانبارەکان ڕایکرد و تاوەکو ئێستا نەتوانراوە دەستگیربکرێتەوە. 

 

چیرۆکی سەرەکی: ئەحمەد شایع، تاوانبار بووە و لە زیندانی بنکەی پۆلیسی کۆماریی دیار نامێنێت، دوای بەدواداچوون دەردەکەوێت بە فەرمانی ئەفسەرێکی پۆلیس، ڕەوانەی نەخۆشخانەی موسەیی کراوە، دوای گەیشتنی پۆلیس بۆ نەخۆشخانە، تاوانبار و ئەفسەرەکە لە نەخۆشخانە نەماون.

 

ڕاگەیێنراوی فەرمی: وەزارەتی ناوخۆی عێراق ڕایگەیاند: "هەواڵگری و دژەتیرۆری بەسڕە و هێزی دەریایی عێراق، ئەفسەرێک و کارمەندێکی پۆلیسیان دەستگیر کرد کە ئەحمەد شایع، تاوانبارە مەترسیدارە هەڵاتووەکەی بەسڕەیان بە قاچاخ گواستووەتەوە".

 

زانیاریی زیاتر: ئەو دوو کەسە لە سنووری ئاوە هەرێمییەکانی عێراق دەستگیرکراون و دوێنێش شەش ئەفسەر و دوو رێگەپێدراوی دیکەی پۆلیس، لەسەر هەمان کەیس دەستگیرکران.