سەرۆک بارزانی پیرۆزبایی لە کونسوڵی نوێی ئێران دەکات

ئاڤا نیوز

 

سەرۆک بارزانی لە سەڵاحەددین، پێشوازی کردووە لە کونسوڵی نوێی ئێران، بەشێک لە گفتوگۆی نێوانیان باسکردن بووە لە بارودۆخ و و گۆڕانکارییەکانی رۆژهەڵاتی ناوەڕاست و ناوچەکە.

 

ڕاگەیێنراوی فەرمی: بارەگای بارزانی بڵاویکردوەتەوە، ئەمڕۆ پێنجشەممە 9-1-2025 لە سەڵاحەددین، سەرۆک بارزانی پێشوازی لە فەرامەرز ئەسەدی کونسوڵی گشتی نوێی کۆماری ئیسلامی ئێران لە هەولێر کرد، بەبۆنەی دەستبەکاربوونی پیرۆزبایی لێ کردووە و هیوای سەرکەوتنی بۆ خواستووە لە ئەرکی نوێیدا.

 

زانیاریی زیاتر: لە دیدارەکە باسی پەیوەندییەکانی نێوان هەرێمی کوردستان و کۆماری ئیسلامی ئێران کراوە و  جەخت لە گرنگیی پەیوەندییەکانی هەردوولا کراوەتەوە. جگە لەوە باسی گۆڕانکارییە نوێیەکانی ڕۆژهەڵاتی ناوەڕاست کراوە بە گشتی.

ئەوەی پێویستە بیزانیت: فەرامەرز ئەسەدی، مانگی 12ـی ساڵی ڕابردوو لەلایەن عەباس عێراقچی وەزیری دەرەوەی ئێران فەرمانی بۆ دەرچوو، لە هەولێر ببێتە کونسوڵی نوێ لە شوێنی نەسڕوڵڵا ڕەشنوودی. 

 

لەلایەکی دیکەوە: هەر ئەمڕۆ سەرۆک بارزانی، پێشوازی لە نەزمی حزوری، کونسوڵی گشتی فەڵەستین لە هەرێمی کوردستان کرد. کونسوڵی فەڵەستین ئەرکەکەی کۆتایی هات. سەرۆک بارزانی هیوای سەرکەوتنی بۆ خواست لە ئەرکە نوێیەکەی. لەبەرامبەردا نەزمی حزوری سوپاسی سەرۆک بارزانی کرد لەبەرامبەر ئەو پاڵپشتیەی کردوەیەتی.