وەزیری دەرەوەی سووریا سەردانی بەغدا دەکات

ئاڤا نیوز

 

وەزیری دەرەوەی حکومەتی ڕاگوزەریی سووریا سبەی شەممە سەردانی بەغدا دەکات و لەگەڵ فوئاد حوسێن، وەزیری دەرەوەی عێراق و محەممەد شیاع سوودانی، سەرۆکوەزیرانی عێراق کۆ دەبێتەوە.

 

وێنە گەورەکە: دوای ڕووخانی دەسەڵاتی بەشار ئەسەد لەلایەن ئۆپۆزیسیۆنی چەکداریی سووریا، حکومەتی نوێی سووریا پەیامی دڵنیایی دا هەموو وڵاتان کە نابنە مەترسی بۆ سەر هیچ لایەک و نیازی خۆی بۆ دروستکردنی پەیوەندیی لەگەڵ سەرجەم وڵاتان نیشان داوە.

 

لێدوانی فەرمی: نووسینگەی میدیایی سەرۆکوەزیرانی عێراق بە ئاڤا نیوزی ڕاگەیاند: سبەی شەممە ئەسعەد شەیبانی، وەزیری دەرەوەی سووریا سەردانی بەغدا دەکات.

 

زانیاریی بەدەستهاتوو: چەند سەرچاوەیەکی ئاگادار بۆ ئاڤا میدیا ئاشکرایان کردووە، ئەسعەد شیبانی، وەزیری دەرەوەی سووریا لەگەڵ بەرپرسانی عێراق تاوتوێی ئاسایشی سنووری هاوبەش، دووبارە کردنەوەی دەروازە سنوورییەکانی نێوانیان، دەستپێکردنەوەی گەشتە ئاسمانییەکانیان، دەستپێکردنەوەی چالاکییە ئابووری و بازرگانییەکانی نێوانیان دەکەن.