ئەڵمانیا: سزای سەر هاوکارانی ئەسەد هەڵناگرین

ئاڤا نیوز

 

وەزیری دەرەوەی ئەڵمانیا لە میانی بەشداریکردنی لە کۆبوونەوەی فراوانی وڵاتانی عەرەبی و ڕۆژئاوا لە سعودیە دەربارەی ڕەوشی سووریا ڕایگەیاند، ئەڵمانیا شێوازێکی دیکە بۆ هەڵگرتنی سزاکانی سەر سووریا دەگرێتە بەر.

 

وێنەگەورەکە: ڕۆژی  یەک شەممە 12-1-2025، کۆبوونەوەی فراوانی وەزیرانی دەرەوەی وڵاتانی عەرەبی و ئەوروپی لە ڕیازی پایتەختی سعودیە بۆ  تاوتوێکردنی  دۆخی سووریا بەڕێوەچوو.

 

لێدوانی فەرمی: ئەنالینا بێربۆک، وەزیری دەرەوەی ئەڵمانیا لە میانی بەشداریکردنی لە کۆبوونەوەی وەزیرانی دەرەوەی وڵاتانی عەرەبی و ڕۆژئاوا ڕایگەیاند: ئەڵمانیا شێوازێکی نوێ بۆ هەڵگرتنی سزا نێودەوڵەتییەکان کە بەسەر سووریا سەپێنراون پێشنیاز دەکات، ئەمەش لە پێناوی ئەوەی گەلی سووریا بێ بەش نەبێت لە وەرگرتنی یارمەتییەکان.

 

لەلایەکی دیکەوە:  بێربۆک گوتیشی، ''سزاکانی سەر هاوبەشانی بەشار ئەسەد، سەرۆکی پێشووی سووریا کە تاوانی دژی مرۆڤایەتییان لە کاتی شەری ناوخۆ ئەنجامداوە وەک خۆی دەمێنێتەوە''.

 

زانیاریی زیاتر: ئەڵمانیا بە  بڕی 50 ملیۆن یۆرۆی زیادە وەک هاوکاری پێشکەشی دیمەشق دەکات، کە ئامانج لەو هاوکارییانە بۆ دابینکردنی پێداویستی خۆراکی، شوێنی مانەوە، فریاگوزاری و چاودێری پزیشکی دەبن.