نوێنەری سەرۆک بارزانی لەگەڵ مەزڵووم عەبدی کۆدەبێتەوە

ئاڤا نیوز 

 

نوێنەری سەرۆک بارزانی لە ڕۆژئاوای کوردستان بە جیا لەگەڵ مەزڵووم عەبدی، فەرماندەی گشتیی هێزەکانی سووریای دیموکرات 'هەسەدە' و ئەنەکەسە کۆدەبێتەوە. 

 

وێنە گەورەکە: نوێنەری تایبەتی سەرۆک مەسعود بارزانی لە ڕۆژئاوای کوردستانە، ئەمڕۆ بۆ یەکەمجار لە حەسەکە لەگەڵ مەزڵووم عەبدی کۆبووەوە، لە قامشلۆش لەگەڵ ئەنەکەسە کۆدەبێتەوە، ئامانجی کۆبوونەوەکانیش بەدیهێنانی یەکڕیزی و یەکهەڵوێستی کوردە لە سووریای نوێ.

 

زانیاریی بەدەستهاتوو: سەرچاوەیەک لە ڕۆژئاوای کوردستان بە ئاڤا میدیای ڕاگەیاند: عەبدولحەمید دەربەندی، بە نوێنەرایەتیی سەرۆک بارزانی لە ڕۆژئاوای کوردستانە و بە جیا لەگەڵ هەریەک لە مەزڵووم عەبدی، فەرماندەی گشتیی هەسەدە و ئەنەکەسە کۆدەبێتەوە. 

 

زانیاریی زیاتر: نوێنەری سەرۆک بارزانی و مەزڵووم عەبدی لە شاری حەسەکەی ڕۆژئاوای کوردستان کۆبوونەتەوە و ئێوارەی ئەمڕۆش لە قامشلۆ لەگەڵ ئەنەکەسە کۆدەبێتەوە.