لە هەولێر لیژنەی بەدواداچوون بۆ سەرپێچییە ژینگەییەکان دەستبەکار بوو

ئاڤا نیوز

 لە هەولێر لیژنەیەک بۆ بەدواداچوون و سزادانی ئەو شوێنانەی کە پابەندی ڕێکارەکانی ژینگە نابن پێکهێنرا و ئەمڕۆ دەستی بە کارەکانی کرد.

وێنە گەورەکە: پرسی ژینگە و  پیسبوونی ئاو و هەوا بەتایبەت لە شاری هەولێر کە پێشتر ئاڤا چەندجارێک کاری لەسەر کردووە، خەڵکیش خۆیان بەیانیان هەوای پیسی شاری هەولێر دەبینن تەمێکی ڕەش پایتەختی داپۆشیوە، پرسێکی جددیە، ژیانکردن لە ژینگەیەکی پاک و تەندروستدا ئەولەویەتی کارەکانی کابینەی نۆیەم بووە و لە ساڵانی ڕابردوودا چەندین ڕێکاری تایبەت بە پاراستنی ژینگە گیراونەتەبەر و چاکسازیی کراوە، لەم سۆنگەیەوە دوێنێ لە ئەنجوومەنی وەزیران کۆبوونەوەیەکی تایبەت کرا و  مەسرور بارزانی چوار بڕیاری دەرکرد.
 
چیرۆکی سەرەکی: لە پارێزگای هەولێر پێکهێنراوە و ئەمڕۆ دەستبەکار بوو، بۆ بەدواداچوون و سزادانی ئەو شوێنانەی پابەندی ڕێکارەکانی ژینگە نابن. کە ئەمە یەکێک بوو لە بڕیارەکانی دوێنێی سەرۆکوەزیران مەسرور بارزانی، کە دەبێت ئەو کارگە و شوێنانەی دەبنە هۆی پیسکردنی ژینگە، زێدەڕۆییەکانیان لابدەن.

 لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند:

- لیژنەیەک پێکهێنراوە، ئەمڕۆ بەدواداچوونەکانیان لەبارەی هۆکارەکانی پیسبوونی ژینگە دەستپێدەکەن، هەر کارگە و مۆلیدەیەکی ئەهلی و ئۆتۆمبێلێک بێیتە هۆکاری پیسبوونی ژینگە لێپێچینەوەیان لەگەڵ دەکرێت.


- بەگوێرەی کەیسەکان سزاکان دەگۆڕێن، سزاکانیش داخستنی شوێنەکان، دەستبەسەرداگرتن، دەستگیرکردن و پێبژاردن دەبێت.