بەرەی گەل خۆی بۆ قۆناغی دوای هەڵبژاردن ئامادە دەکات

ئاڤا نیوز

 

بەرەی گەل خۆی بۆ قۆناغی دوای هەڵبژاردن ئامادە دەکات و بۆ ئەم مەبەستەش سەرۆکی بەرەکە سەردانی شاری هەولێری کرد و لەگەڵ ئەندامانی کۆبووەوە.

 

وێنە گەورەکە: ڕۆژی دووشەممە 2025/1/13 بە مەبەستی پێشکەشکردنی سوپاس و پێزانین بە کادیرەکانی بەرامبەر بە هەوڵ و ماندوو بوونیان لە پێناو سەرخستنی لیستەکەیان لەماوەی بانگەشەی هەڵبژاردنی پەرلەمانی کوردستان،  لاهوور شێخ، سەرۆکی بەرەی گەل لەگەڵ ئەندامانی ئەنجوومەنی هەولێری بەرەی گەل کۆبووەوە.

 

زانیاریی بەدەستهاتوو: لە کۆبوونەوەکە تیشک خراوەتە سەر:

- دۆخی سیاسیی هەرێمی کوردستان و عێراق و پێشهات و گۆرانکارییە پێشبینیکراوەکانی ناوچەکە، لەهەمان کاتدا هەڵسەنگاندن بۆ قۆناغی ئێستا و رێکخستنەوە و دانانی بەرنامە و پلانی نوێی بەرەکەیان کراوە.

- هەوڵە نیشتیمانییەکانی بەرەی گەل لە پێناو چارەسەرکردنی کێشەی مووچەی مووچەخۆران و خزمەتکردنی خەڵکی کوردستان بەشێکی تری کۆبوونەوەکە بووە.