ئاڤا داتای بانکی ناوەندیی عێراق لەبارەی ناردنی مووچە بڵاودەکاتەوە

ئاڤا نیوز

 

هەردوو وەزارەتی دارایی کوردستان و عێراق لەسەر ناردنی پارە بۆ مووچە ژمارەی جیاواز بڵاودەکەنەوە، ئاڤاش بۆ یەکلاکردنەوەی بابەتەکە پەیوەندیی بە بانکی ناوەندیی عێراقەوە کرد کە بەرپرسە لە خەرجکردنی دینار بە دینار لە عێراق و ناردنی پارە بۆ کوردستان، لەوێش داتاکانی وەزارەتی دارایی کوردستان پشتڕاست کرانەوە.

ڕاگەیێنراوە فەرمییەکان: وەزارەتی دارایی و ئابووریی هەرێمی کوردستان دەڵێت، ساڵی 2024 وەزارەتی دارایی عێراق 10 تریلیۆن و 26 ملیار و 883 ملیۆن و 544  هەزار و 549 دیناری بۆ مووچە ناردووە. وەزارەتی دارایی عێراقیش دەڵێت: 11 تریلیۆن و 561 ملیار و 522 ملیۆن دیناری ناردووە.

بەدواداچوونی تایبەت: بەپێی ئەو ژمارە و داتایانەی لە بانکی ناوەندیی عێراقەوە بە ئاڤا دراون، ساڵی ڕابردوو حکومەتی عێراق تەنیا 10 تریلیۆن و 26 ملیار و 883 ملیۆن و 544 هەزار و 549 دیناری بۆ کوردستان ناردووە، ئەم ژمارەیە دەقاودەق وەکو ژمارەکەی وەزارەتی دارایی کوردستانە و تەنانەت یەک دیناریش کەم و زیادی نییە.

زانیاریی زیاتر: بەپێی داتاکان وەزارەتی دارایی عێراق بڕی یەک تریلیۆن و 534 ملیار و 689 ملیۆن و  544 هەزار و 549 دیناری بۆ مووچە کەمتر ناردووە، کە دەکاتە پارەی مووچەی مانگ و نیوێک، مووچەی مانگی 12 و مانگەکانی پێشتریش کە کەم نێردراوە حکومەتی کوردستان بە داهاتی ناوخۆ کورتهێنانەکەی پڕکردووەتەوە.