مووچەی مامۆستایانی گرێبەستی زانکۆ و پەیمانگەکان دەدرێت

ئاڤا نیوز

بەشێکی زۆری مامۆستایانی زانکۆ و پەیمانگەکان کە گرێبەستن، ئاگادار دەکرێنەوە بۆ وەرگرتنی یەکەم مووچەیان.

وێنە گەورەکە: مووچەی مانگی 11ی مووچەخۆرانی هەرێمی کوردستان دابەشکراوە، بەڵام بەهۆی دواکەوتنی زانکۆ و پەیمانگەکان لە تەواوکردنی ڕێکارەکان بەشێکی زۆری مامۆستایانی گرێبەست لە وەرگرتنی یەکەم مووچەیان بێبەش بوون، تەنیا لە زانکۆی گەرمیان شایستە داراییەکان خەرجکراوە.

ئەوەی پێویستە بیزانیت: بە بڕیاری حکومەتی هەرێمی کوردستان پێویستە یەکەی ژمێریاریی زانکۆکان سەرجەم  ئەو مامۆستایانەی گرێبەستیان بۆ کراوە لە مانگی 11ـەوە مووچەکانیان ببەسترێت و ناوەکانیان ڕەوانەی خەزێنەکان بکرێت، تاوەکو شایستە داراییەکانیان خەرج بکرێت.