مامۆستایانی گرێبەست دوو مووچە بەیەکەوە وەردەگرن

ئاڤا نیوز

 

بڕیارە هەفتەی داهاتوو ڕێکارەکانی دابەشکردنی شایستە داراییەکانی مانگەکانی 7 و 8 ـی ساڵی 2024 ـی مامۆستایانی گرێبەست دەستپێبکات کە بەهۆی ڕاگرتنی خەرجی دارایی ساڵانەوە دواکەتبوو.

 

لێدوانی فەرمی: عەلی ڕەئوف، نوێنەری مامۆستایانی گرێبەست بە ئاڤای ڕاگەیاند، "شایستە داراییەکانی مامۆستایانی گرێبەست بۆ مانگەکانی حەوت و هەشت نافەوتێت، ناوەڕاستی هەفتەی داهاتوو خەرجی لە گەنجینەکان دەکرێتەوە هەوڵەکان بۆ ئەوەن لە چەند ڕۆژی داهاتوو پارەکە خەرج بکرێت."

 

ئەوەی پێویستە بیزانیت: نزیکەی مانگێکە شایستەی دارایی مانگی حەوت و هەشتی مامۆستایانی گرێبەست لە سنووری سلێمانی دابەشکراوە، بەڵام زیاتر لە 25 هەزار مامۆستای سنووری هەولێر و دهۆک پارەکەیان وەرنەگرتووە.

 

ئەمەش بزانە: ئەم پارەیەی مامۆستایانی گرێبەست بڕەکەی 400 هەزار دینارە و پێش بڕیاری بە گرێبەستبوونیان و لەسەردەمی وانەبێژیدا وەریاننەگرتووە.