بڕیاری كەمكردنەوەی تەمەنی خانەنشینی بەشێك لە فەرمانبەران ناگرێتەوە

ئاڤا نیوز

بە بڕیارێكی سەرۆكوەزیران مەسرور بارزانی تەمەنی خانەنشینی لە 63 ساڵەوە كەمكرایەوە بۆ 60 ساڵ، بەڵام بەپێی یەكێك لە خاڵەكانی بڕیارەكە، بەشێك لە فەرمانبەران ناگرێتەوە.

وێنە گەورەكە: ڕۆژی چوارشەممە، 15-1-2025، سەرۆكوەزیران مەسرور بارزانی، بە نووسراوی ژمارە 191 بڕیاری كەمكردنەوەی تەمەنی خانەنشینی لە 63 ساڵەوە بۆ 60 ساڵ دا، هاوكات ماوەی خزمەتی  لە 15 ساڵەوە بەرز كردەوە بۆ 25 ساڵ بۆ كەسێک كە ئارەزوومەندانە داواكاری خانەنشینی پیشكەش بكات.

بڵاوكراوەی فەرمی: بڕیارەكە لە هەشت خاڵ پێكهاتووە و لە خاڵی شەشەمدا ئاماژە دراوە بە ئەوەی" سەبارەت بە ئەو فەرمانبەرانەی كە لەپێش ڕێككەوتی 1-1-2025 بە گوێرەی ماددەی 1/سێیەم لە یاسای خانەنشینی یەكگرتووی ژمارە (27)ی ساڵی 2006ی هەمواركراو ڕەزامەندیی درێژكردنەوەی خزمەتی وەزیفییان لەلایەن سەرۆكایەتیی ئەنجوومەنی وەزیرانەوە بۆ ئەنجام دراوە، ئەوا لە خزمەت بەردەوام دەبن، تاوەكوو تەواوبونی ئەو ماوەیەی خزمەتی وەزیفییان بۆ درێژكراوەتەوە لەوە بەدواوە پێویستە ڕاستەوخۆ خانەنشین بكرێن.

لەلایەكی دیكەوە: لە ناوەڕۆكی فەرمانەكە داوا لەسەرجەم وەزارەت و لایەنەكانی نەبەستراو بە وەزارەت كراوە كە پابەند بن  بە بەرزنەكردنەوەی پێشنیازی داوای درێژكردنەوەی تەمەنی یاسایی خانەنشینی بۆ فەرمانبەرانیان بۆ سەرۆكایەتیی ئەنجوومەنی وەزیران.