کاردانەوەی بەشێک لە وڵاتان لەبارەی ئاگربەستی غەززە

ئاڤا نیوز

لەدوای ڕاگەیاندنی ڕێککەوتنی ئاگربەست و ئاڵۆگۆڕکردنی دیلەکانی نێوان ئیسرائیل و حەماس دوای 15 مانگ لە شەر و بۆردوومانی بەردەوامی سەر کەرتی غەززە، کاردانەوەی جیهانی بە دوای خۆیدا هێنا و وڵاتان پێشوازیان لەم ڕێککەوتنە کرد. 

 

وێنە گەورەکە: ڕۆژی 15-1-2025، دوای 15 مانگ لە شەڕ و بۆردومانی سەرکەرتی غەززە و کوشتی سەدان هاووڵاتی سڤیل، دواجار ڕێککەوتنی ئاگربەست و ئاڵوگۆرکردنی دیلەکانی نێوان ئیسرائیل و حەماس بە نێوەندگیری ئەمریکا و قەتەر و میسر ڕاگەیێنرا. 

 

زانیاری زیاتر: کاردانەوەی بەشێک لە وڵاتان بەمشێوەیە: 

 

چین:  هیوادارین ڕێککەوتنەکە بەشێوەیەکی هەمیشەیی جێبەجێ بکرێت بۆ گەیشتن بە ئارامی لە ناوچەکە و هاوکات  هەوڵی بەردەوام دەدەین بۆ بەرەوپێشبردنی ئاشتی و سەقامگیری لە ڕۆژهەڵاتی ناوەڕاست . بەردەوام دەبین لە هاوکارییە مرۆییەکان بۆ غەززە هەوڵی ئەرێنی دەدەین بۆ قۆناغی دوای جەنگ و ئاوەدانکردنەوەی غەززە.

 

سعوودیە:  جەخت لەسەر پێویستی پابەندبوون بە ڕێککەوتنەکە،  ڕاگرتنی هێرشەکانی  ئیسرائیل بۆ سەر غەززە، کشانەوەی یەکجاری هێزەکانی ئیسرائیل لە کەرتی غەززە و سەرجەم ناوچەکانی دیکەی فەڵەستین و گەڕانەوەی ئاوارەکان بۆ سەر غەززە دەکەینەوە. هەوڵەکانی  قەتەر و میسر و  ئەمریکا بەرز دەنرخێنین.

 

ڕووسیا: هیوادارین ڕێککەوتنەکە سەقامگیری بۆ کەرتی غەززە  لەدوای خۆی بەدیبهێنێت، پرۆسەی ئاوەدانکردنەوەی غەززە دەستپێبکات و سەرجەم ئاوارەکان بگەڕێنەوە.

 

ئەمریکا: بەهۆی فشارە بەردەوامەكانی ئەمریكا و ئیسرائیل لەسەر حەماس گەیشتینە ڕێككەوتن. هێڵە گشتییەكانی ڕێككەوتنی ئاگربەست لە 31-5-2024ـەوە داڕێژراون.

 

عێراق: دوای قوربانیدانی و نەهامەتی گەورەی فەڵەستینییەکان، پێشوازی لە ڕاگرتنی گرژییەکان لە غەززە دەکەین.

 

ئێران: عەلی خامنەیی، ڕێبەری باڵای کۆماری ئیسلامی ئێران دەڵێت: ئێران پێشوازی لە ڕێککەوتنی ئاگربەستی غەززە دەکات و ستایشی خۆڕاگری و دانبەخۆداگرتنی خەڵکی کەرتی غەززە دەکات.