دوا ئاگاداریی دەدرێت بە کارگەکانی شیش لە سنووری هەولێر

ئاڤا نیوز

 

تیمەکانی فەرمانگەی ژینگەی هەولێر و پۆلیسی قایمقامیەت، دوای بڕیارەکانی سەرۆکوەزیران مەسرور بارزانی هەڵمەتێکیان دەستپێکردووە و دوا ئاگاداری دەدەن بە کارگەکانی شیشی سنووری پارێزگای هەولێر ، لەمەودوا هەر کارگەیەک لە ژێر مەرجە ژینگەییەکاندا کار نەکات لێپێچینەوەیان لەگەڵ دەکرێت و سزا دەدرێن.

 

وێنە گەورەکە: ڕۆژی 12ی ئەم مانگە سەرۆکوەزیران مەسرور بارزانی لایەنە پەیوەندیدارەکانی ڕاسپارد، ڕێوشوێنی پێویست بگرنە بەر بۆ ڕێگریکردن لەو هۆکارانەی دەبنە هۆی پیسبوونی هەوا و ژینگە، هاوکات سزای سەرپێچیکارانیش بدەن.'

 

لێدوانی فەرمی: ئیبراهیم ناسیح، ئەندامی لیژنەی پشکنین و چاودێری فەرمانگەی ژینگەی هەولێر ڕایگەیاند، "پێنج کارگەی ستیل ئاگادارکردنەوەیان پێدەرێت کە بە زووترین کات سەردانی فەرمانگە بکەن، بۆ ئەوە چارەسەری ئەو دووکەڵە بکەن لە کارگەکانیانەوە دەردەچێت".

 

ئەوەی پێویستە بیزانیت: "لە ئەگەری جێبەجێنەکردنی ڕێکار و ڕێنمانییەکان، ئەوا ڕووبەڕووی لێپرسینەوە دەبنەوە، جا بە سزادان بێت یان داخستن." ئیبراهیم ناسیح وا دەڵێت.