چوارچێوەی هەماهەنگی لە وەزارەتی دەرەوەی ئەمریکا نیگەرانە

ئاڤا نیوز

لێدوانێکی وتەبێژی وەزارەتی دەرەوەی ئەمریکا، چوارچێوەی هەماهەنگی کە زۆربەی لایەنە شیعەکان لە خۆدەگرێت، نیگەرانکردووە. چوارچێوەی هەماهەنگی لێدوانەکە بە دەستوەردانێکی ئاشکرا لە کاروباری عێراق دادەنێت.

چیرۆكی سه‌ره‌كی: ماتیۆ میلەر، وتەبێژی وەزارەتی دەرەوەی ئەمەریکا لە کۆنفرانسێکی ڕۆژنامەوانیدا داوای چارەسەرکردنی ناکۆکییەکانی نێوان بەغدا و هەولێری لە چوارچێوەی هەموارکردنەوەی یاسای بودجەی گشتی عێراق کردووە.

لێدوانی تایبەت: عەلی فەتلاوی، سەرکردە لە چوارچێوەی هەماهەنگی بە ئاڤا میدیای ڕاگەیاند:

- لێدوانەکانی وتەبێژی وەزارەتی دەرەوەی ئەمریکا، دەستوەردانێکی ئاشکرایە لە کاروباری عێراق و بەهەموو شێوەیەک ڕەتیدەکەینەوە".

- ناکۆکی نێوان بەغدا و هەولێر بابەتێکی ناوخۆیی عێراقە و بە گفتوگۆ و دانوستان چارەسەر دەکرێت.