شەقامێكی سەرەكی لە هەولێر دادەخرێت و شۆفێران ئاگادار دەكرێنەوە

ئاڤا نیوز

 

شەقامی بەحرکە لەنێو شاری هەولێر نۆژەن دەكرێتەوە و داوا لە شۆفێران دەكرێت شەقامێكی دیكە بەكاربهێنن.

 

ڕاگەیێنراوی فەرمی: سەرۆكایەتیی شارەوانیی هەولێر ڕایگەیاند: بە گوژمەی ملیارێك و 645 ملیۆن دینار، لەسەر بودجەی وەبەرهێنانی وەزارەتی شارەوانی، پڕۆژەی قیرتاوكردنی شەقامی سەرەكیی بەحركە لە شەقامی 100 مەتری تاوەكوو شەقامی 120 مەتری جێبەجێ دەكرێت.

 

زانیاریی زیاتر: داوا لە شۆفێران دەكرێت كە بۆ هاتووچۆكردن لەبری شەقامە سەرەكییەكە، شەقامێكی دیكە بۆ گەیشتن بۆ بەحركە بەكاربهێنن بۆ ئەوەی تووشی ئاستەنگی هاتووچۆ نەبنەوە.