خانووە کۆنەکانی گەرەکی دەرگەزێنی سلێمانی دەکرێنە گەراجی ئۆتۆمبێل

ئاڤا نیوز

 

ژمارەیەکی زۆر لە خانووە کۆنەکانی گەرەکی دەرگەزێنی سلێمانی کراون بە گەراجی ئۆتۆمبێل و ئەمەش نیگەرانی هاوونیشتمانییانی لێکەوتووەتەوە.

وێنە گەورەکە: گەڕەکی دەرگەزێن کە بە  بە یەکێک لە میراتە مێژوویی و کولتوورییەکانی شاری سلێمانی دەدانرێت و دیوارە بەردینەکانی زیاتر لە دوو سەدەیە چیرۆکی جۆراوجۆریان لە ناخدا حەشار داوە، ئێستا یەک یەک دەروخێنرێن و دەکرێن بە گەراجی ئۆتۆمبێل.

 

لێدوانی فەرمی: ڕەوا کەریم، سەرۆکی لیژنەی پاراستنی قایمقامیەتی سلێمانی لەبارەی ڕووخاندنی ئەو خانووانەوە ڕایگەیاند، هەر کەسێک دەستکاری ئەو خانووە کۆنانە بکات و بیکاتە گەراجی ئۆتۆمبێل، ڕووبەڕووی یاسای دەکەینەوە.

 

ئەوەی پێویستە بیزانیت: وەک ڕەوا کەریم ئاماژەی بۆ دەکات، بڕیاری قەدەغەکردنی ڕووخاندنی ئەو خانووە کۆنانە و کردنیان بە گەراج لە ساڵی 2019 قەدەغە کراوە و ئەگەر هەر کەسێک سەرپێچی بڕیارەکە بکات بە 10 ساڵ زیندانی دەکرێت.