سەرۆکوەزیران بارزانی؛ سێ ڕۆژ لە ئەمریکا و چەند پەیامێکی گرنگ

ئاڤا نیوز

سیناتۆر و بەرپرسانی ئەمریکا بەردەوامن لە ڕاگەیاندنی پاڵپشتی بۆ سەرۆکوەزیران بارزانی و هەرێمی کوردستان. ئەوان جەخت دەکەنەوە  هەولێر هاوبەشێکی جێی بایەخی ئەمریکایە.

وێنە گەورەکە: سەرۆکوەزیران بارزانی سێ ڕۆژە بە سەردانێکی فەرمی لە واشنتنە و چەندین کۆبوونەوەی گرنگی لەگەڵ سیناتۆر و بەرپرسانی باڵای ئەمریکا کردوون، لە کۆبوونەوەکاندا پاڵپشتی بەهێز بۆ هەرێمی کوردستان ڕاگەیێنراون.

گرنگترین پەیامەکانی بەرپرسانی ئەمریکا بۆ سەرۆکوەزیران بارزانی:

ئەنتۆنی بلینکن، وەزیری دەرەوە: هەرێمی کوردستان پێگەیەکی گرنگ و هاوبەشێکی جێی بایەخی ئەمریکایە.

جەیک سولیڤان، ڕاوێژکاری ئاسایشی نیشتمانی: کۆشکی سپی پشتیوانی کوردستانێکی بەهێز و مافە دەستوورییەکانی گەلی کوردستانە.

برێت مەکگۆرک، هاوئاهەنگیکاری کۆشکی سپی: پاراستنی ئاسایشی هەرێمی کوردستان گرنگە و ڕێز لە قەوارەی دەستووری و فیدراڵی هەرێمی کوردستان بگیرێت.

ئامۆس هۆکستین، گەورە ڕاوێژکاری سەرۆکی ئەمریکا: دەستپێکردنەوەی هەناردەی نەوتی هەرێمی کوردستان لە زووترین کاتدا.

سێناتۆران جاک ڕید و ڕۆجەر ویکر: پاراستنی ئاسایش و ئارامیی هەرێمی کوردستان گرنگە و هاوکاریی ئەمریکا و هاوپەیمانان بۆ پێشمەرگە بەردەوام دەبێت.

سێناتۆر تامی دەکوۆرت: هەموو هەوڵێک دەخەینەگەڕ بۆ پاراستنی هەرێمی کوردستان و چارەسەرکردنی کێشەکانی هەولێر و بەغدا.

سێناتۆر لیزی گراهام: هەمیشە پشتیوانیی لە کوردستانێکی بەهێز و داوا و مافە ڕەواکانی گەلی کوردستان دەکەم.

دۆن بەیکن، ئەندامی کۆنگرێس: هەمیشە دەنگی کوردستان دەبم لە ئەمریکا.

ساشا بەیکەر، بریکاری وەزیری بەرگری: هاوڕاین لەسەر پشتیوانیکردنی پێشمەرگە بۆ ڕووبەڕووبوونەوەی تیرۆر.

بۆچی گرنگە: دوای فشارە بەردەوامەکانی حکومەتی عێراق و بڕیارەکانی دادگای فیدراڵی دژی هەرێمی کوردستان، پشتیوانی بەرپرسانی باڵای ئەمریکا و سیناتۆرەکان بۆ هەرێمی کوردستان، هاوکار دەبێت بۆ چارەسەرکردنی کێشەکانی نێوان هەولێر و بەغدا.