مانگ دەخرێتە لیستی ئەو شوێنەوارانەی کە مەترسییان لەسەرە

ئاڤا نیوز

 

سندوقی شوێنەواری جیهانی بۆ یەکەم جار مانگی زەوی دەخاتە لیستی ئەو شوێنەوارانەی مەترسی لە ناوچوون و تێکدانیان لەسەرە. 

 

وێنە گەورەکە: سندوقی شوێنەواری جیهانی (WMF) ، ساڵانە 25 شوێن دەخاتە لیستی ئەو شوێنانەی کە مەترسی لەناوچوون یاخود تێکدانیان لەسەرە بۆ ساڵی 2025 یەکێک لەو شوێنانە مانگی زەوییە کە خراوەتە لیستی ئەو شوێنانەی کە مەترسییان لەسەرە.

 

لێدوانی فەرمی: بینێدکت دی مۆنتلۆ، سەرۆکی ڕێکخراوی سندوقی شوێنەواری جیهانی بە ڕۆژنامەی گاردیانی بەریتانی ڕاگەیاند: بۆ ئەم ساڵ مانگی زەوی لە نێوان ئەو 25 شوێنەوارەیە کە دەستنیشان کراون، ئەمەش بەهۆی زیادبوونی چالاکییەکانی مرۆڤە بۆ سەر ڕووی مانگ کە بەبێ ڕێنمایی پاراستن ئەنجام دەدرێن. 

 

زانیاریی زیاتر: لەسەرەتا شەستەکانی سەدەی ڕابردوو تەنها پێنج وڵات سەرکەوتوو بوون لە ناردنی گالیسکە بۆ سەر ڕووی مانگ لەوانە:-  ئەمریکا، چین، هیندستان، ژاپۆن و یەکێتی سۆڤیەتی جاران .