دەست ب دروستکرنا کۆرنیشێ ڕوویێ شین ل شێلادزێ دێ هێتە کرن

ئاڤا نیوز

پشتی بڕیارا حکومەتێ بۆ دروستکرنا پرۆژەیێ ستراتیژییێ کۆرنیشێ ڕوویێ شین ل ناحیا شێلادزێ، ئەو پرۆژەیە چوو د وارێ بجهئینانێ دا، ل نێزیک دێ کارێن وی هێنە دەستپێکرن.

 

داخویانیا فەرمی: مللەت عسمەت، سکرتێرێ ڕۆژنامەڤانیێ پارێزگارێ دهۆکێ بۆ ئاڤا نیوز گوت: پشتی بڕیارا حکومەتا هەرێما کوردستانێ، ژلایێ د.عەلی تەتەر، پارێزگارێ دهۆکێ ڤە پێنج پرۆژەیێن گرنگ ل دەڤەرێن جودا ڕەوانەی قۆناغا بجهئینانێ هاتنە کرن کو دیارترینا وان کۆرنیشێ شێلادزێیە.

 

زانیاریێن زێدەتر: پرۆژە پێکدهێن ژ کۆرنیشێ ڕوویێ شین، دروستکرنا ئاڤاهیێ دادگەها ئامێدیێ، دروستکرنا کەنالەکێ ڤەکری یێ ئاڤێ بۆ بەنداڤا دهۆکێ، دروستکرنا پرۆژەکێ ئاڤێ ل قەزا ئاکرێ، کڕینا ئامیرێ ئەسفەلتی بۆ ڕێڤەبەریا گشتییا ئاڤەدانکرن و ئاکنجیبوونێ ل دهۆکێ.